π‘¨π’”π’”π’‚π’Žπ’Žπ’Šπ’Œ 𝒂𝒓𝒔𝒂𝒓𝒕𝒂𝒓𝒕𝒖𝒕 π’Œπ’‚π’•π’•π’–π’‡π’‡π’Šπ’‚π’•π’‚ π’Šπ’π’†π’“π’Šπ’‚π’“π’•π’π’“π’•π’Šπ’•π’”π’Šπ’π’†π’“π’‚: π‘Ίπ’–π’π’ˆπ’Šπ’–π’”π’‚π’‚π’”π’–π’π’Šπ’Œ π’”π’‚π’Žπ’Žπ’Šπ’—π’†π’’π’‚π’“π’π’†π’’, π’Šπ’π’‚π’‚π’”π’π’“π’•π’‚π’π’Šπ’Œ π’‚π’Žπ’†π’“π’π’Šπ’‚π’“π’•π’π’“π’•π’Šπ’•π’”π’Šπ’π’†π’’ π’‚π’‚π’Žπ’Žπ’‚π’π’– π’Œπ’π’–π’ƒπ’ƒπ’Šπ’Šπ’• π’”π’Šπ’–π’π’Šπ’•π’•π’‚π’‚π’”π’–π’Šπ’π’Šπ’Œ π’”π’–π’π’†π’’π’‚π’•π’Šπ’ˆπ’Šπ’Šπ’π’π’†π’“π’–π’π’Šπ’”π’”π’‚π’’ π’π’Šπ’Œπ’Šπ’•π’•π’π’“π’”π’‚π’“π’π’–π’ˆπ’Šπ’•.

– Assammik arsartartut kattuffiat tulluusimaarutigalugu nalunaarutigisinnaavaa timersuutitsinnut ineriartortinneqarnera malunnaatilimmik qaffariarsimasoq. Ilaasortat amerliartuinnarnerat, siunissami sungiusaasussat pikkorissarneqarnissaat, aammalu klubbiit siulittaasuinik attaveqarnerulernissaq sammineqarlutik. Siunertaavoq Kalaallit Nunaanni assammik arsarnerup nutaamut ikaarsarnera, kattuffiullu aamma klubbit suleqatigiinnerulernissaat qulakkeerneqassasoq.

Ilaasortat amerliartuinnarnerat, ataatsimoornerullu nukittorsarnera

Assammik arsartarnerup klubbini ilaasortat amerliartoqqinerinik ukiup kingullip ingerlanerani malunnarsiartorpoq. Tamanna takutippaa assammik arsarnerup inuusuttunut, meeqqanut inersimasunullu pitsaalluinnartumik sammisassatut inuillu ataatsimoortarfittut isigisaanik attasisinnaasoq.

Sungiusaasunik nutaanik 60-inik 2027-p tungaanut pikkorissaaneq.

Kattuffik amerliartornermik ujartuineq akuersaarluarlugu, siunnerfittut sungiusaasunik pikkorissaanissamut pilersaarut aallartittussaavaa. Ukiut pingasut qaangiuppata 2027-mi naammassineqassaaq meeqqat inuusuttullu sungiusaasussaat 60-it Kalaallit Nunaanni illoqarfinni arfineq-marluusuni ilinniarneqareersimassallutik. Sungiusaasut tamarmik ukiui 5-15 akornanniittunik aallussissapput, siunertaavorlu peqataasut piginnaasaannik ineriartortitsinissaq aammalu assammik arsarnerup nuannaarutaasumik misigiffiuneranik arlalitsigut siuariartornissaq.
Pilersaarusiornerit suli naammassinngillat, naammassiliivippulli qilanaaqaagulli nukittuumik tunngavissaqalernissatsinnik.

Klubbiit siulittaasuinik suleqatigerusunnermik nukittorsaanissaq

Inerisaanissamut pilersaarutit ilagivaat kattuffiup klubbit siulittaasuinik attaveqarnerulernissamik takorluugaa. Allaffissornikkut, ilitsersuinerup iluani aammalu pilersaarusiornerup immikkoortuini kattuffiup suleqatiginninnera pisariaqarpoq. Klubbit pisariaqartitaminnik ikiorneqarnissaat siunertaralugu, siuarsaanissamut periarfissanik ataasiakkaanik aamma pilersitsisoqassaaq. Suleqatigiinnikkut tamanna klubbinut amerleriartortunik ilaasortalinnut siumut ingerlasinnaaqqullugu periarfissanik pilersitsissaaq.

Aningaasaqarnerup iluarsaanera aammalu piujuartitsinermik sammisaqarneq.

Assammik arsartartut kattuffiat piffissaq sivikikkaluartoq atorlugu, Kalaallit Nunaanni kajumissutsimik suliaqarneq unammillernartaqartaraluartoq, aningaasaqarneq iluarsisimasoq tulluusimaarutigaa. Tamanna Kalaallit Nunaanni Timersoqatigiit Kattuffiata allattoqarfia suleqatigalugu anguneqarpoq.

“Uagutsinnut tulluusimaarutigaarput piffissaq sivikikkaluartoq atorlugu aningaasaqarnerput iluarsisimasoq. Kisianni piviusorsiortumik ineriartortitsisariaqarpugut, aammalu siunissami piujuartitsisinnaassagutta unammillersinnaassuserpullu annertusassagutta, periarfissat pitsaanerusut sulissutigineqarnissaat ingerlatiinnartariaqassavarput. Periarfissanik pitsanngorsaanissaq suli amigaatigaarput, pingaartumik elitit pillugit immikkoortortami. Kalaallit Nunaanni Timersoqatigiit Kattuffiat Elite Sport Greenlandilu suleqatiginerat uagutsinnut pingaaruteqartuuvoq, tassanilu ineriartortitsinermut sammisaqartarnerput annertuumik tapersersussavarput,” oqarpoq Carsten Olsen, Assammik Arsartartut Kattuffiata siulittaasua.

Kattuffiup paasilluarpaa Kalaallit Nunaanni Timersoqatigiit Kattuffiat Elite Sport Greenlandilu qanimut suleqatiginerat, tamatigut assammik arsarneq nunanut allanut imaluunniit nunatta iluani assammik arsarneq ineriartortinneqarnissaa anguniarlugu, pingaaruteqarluinnartuusoq.

Assammik arsarneq: ineriartortitsineq ataatsimoornerlu ingerlataralugit.

Assammik arsartartut kattuffiata arsarneq aatsaat peqataaffigineqartartutut pinnagu isigaa. Taamatut iliortoqarnissaa kattuffiup inuiaqatigiinni ataatsimoornermik, peqqissuunissamik aammalu inuttut ineriartornermik ingerlatitsinissamut periarfissaqarneranik isiginniffiusariaqarpoq. Ilaasortat amerliartornerat, sungiusaasussanik nutaanik ilinniartitsineq aammalu klubbini suleqatigiissutaasumik aalajangiinerit tamarmik Kalaallit Nunaanni assammik arsarnerup siunissami ingerlanera patajaatsumik siumut ingerlasoq anguniarlugu tunngavissiivoq.