Ilulissani unamminissaat piareerpoq!
Ukioq manna assammik arsarnermi nunatsinni pisoqarfiunerpaasussaq Ilulissani pisussanngorpoq, inersimasut pissartanngorniuunnissaat aallartippata. Nagdlúnguaq aaqqissuisoralugu. Arnat holdit tallimat aammalu angutit holdit tallimat sinerissamiit pissartanngorniuutissapput. Naatsorsuutaavoq sapaatip akunnera taanna timersornermik nuannarisalinnut nuannisarfiussasoq, unamminerit naligiiffiujumaartut, ataatsimoorfiullunilu pissangatitsiumaartut.
Kingullermik Ilulissani pissartanngorniuunnerit ingerlanneqarput 2016-imi, maannakkullu Iluliarmiut qilanaaqaat arsartussat, sungiusaasut ikiortaallu aammalu illersuisussat tikilluaqqussallugit, pissartanngorniuunnissat annertungaartumut avatangiissimullu kusanaqisumut.
2010-imili GSS arnat angutillu pissartanngorniuuttarnerit tiguaqqavaat – apeqqutaalerporli ukioq 2025 klubbit nutaat GSS ajugaasimaartarneri maanga killitsissaneraat?
Isiginnaartut unamminernik pissanganartunut qilanaalereersinnaapput, takutitsinerit pitsassuarnut minnerunngitsumillu pissartanngorniuunnerit anersaavat misigalugu, assammillu arsarnerup nunatsinni timersuutini pingaarnerpaat ilaanniittoq peqataaffigalugu.
Peqataasussat:
- Arnat: K-1933, GSS, NÛK, GSS U20, Nagdlúnguaq.
- Angutit: GSS, NÛK, SAK, Norsaq HC, Nagdlúnguaq.
- Unamminerit Ilulissat timersortarfiani ingerlanneqassapput: 6. Maj – 11. Maj 2025
Takunissarsi qilanaareqaarput, nunatsinnilu assammik arsarnermi pikkorinnerpaat pissartanngorniuunnissaannut malinnaaviginissaat qilanaarluta!
Comments are closed