Assammik arsartartut kattuffiat, TAAK, piffissamut nutaamut iseriartorpoq nunanullu allanut unammisartunut ineriartortitsinissamut pimoorussaqarnerulluni, piginnaasanik- aammalu piukkussanik ineriartortitsilluni. Savalimmiuni immuliortartuniit, MBM, assammik isaassineratigut arnani nunanut allanut unammisartut sungiusaasussaannik pilersitseqqinnissaanik periarfissiilluni.
”Kattuffimmiit nuannaarutigeqaarput sungiusaasunngortut nutaat ilisaritissinnaagatsigit, Mikkel Bom aamma Kim Ostermann-Petersen. Taakku marluullutik isumaqarput nunanut allanut unammisartussatut piukkunneqartut qaffasinnerusumut ingerlatinneqassasut. Sungiusaasunngortut tamarmik Nuummi najugaqarput, taamaasillutillu qanimut ikioqatigiillutik ulluinnari suleriaaseqarsinnaallutik, tamanna nukittorsaataavoq” TAAK-mi siulittaasoq Carsten Olsen oqarpoq.
Mikkel Bom DHF-imi, Dansk Håndbold Forbund, divisionini aammalu piukkunneqartuni sungiusaasutut naammassinikuuvoq, ilaatigullu Team Esbjerg-imi sungiusaasuni akuusimalluni. Taamaasillunilu aaqqissuussaanermi nutaami pingaaruteqalertussaavoq TAAK-mi nunanut allanut unammisartuni/piukkassanik ineriartortitsinermi suliaqalernitsinni. Tamanna aallarnerneqarpoq Jakob Larsen siuttoralugu.
TAAK-mi nunanut allanut unammisoqartarnissanik nukittorsaaniarnerani savalimmiuniit immuliortut MBM assamik isaassineratigut periarfissiivoq. MBM nunatsinni immunnik nioqquteqartuuvoq.
”Assammik arsartartut kattuffiat aningaasatigut ajornartorsiulernerata nalaani isaassinerat sukkasuumik pivoq, kivitseqataalerlunilu. CEO Hákun Steingrímsson ilisimareerpaa TAAK suliniuteqarnerani ineriartortitsinissaq qanoq pingaaruteqartiginersoq, taamatuttaaq nunanut allanut unammisartut aqqutigalugit nunatsinni Pisiffik aqqutigalugu pisiassaasut saqqummiunnissaanut ersarissaanissaq.” Carsten Olsen nangilluni oqarpoq.
Raska-mi immuliakkagut Kalaallit Nunaani niiverutiginiarlugit pulajaartuaalerpugut. Sivisuumik eqqartorparput qanoq ililluta kalaalliit inuiaat siammasinnerusumik angusinnaanerigut. ”Ilissituulli maani Savalimmiuni assorujussuaq assammik arsarnermik soqutigisaqarpugut arnalllu nunanut allanut unammisartut VM-erlutik takutitsilluarmata soqutiginneqaluta isiginnaarpagut” Hákun oqarpoq.
Imatullu nangippoq ”Maani Savalimmiuni sapaatip akunneranut ataasiarluta kalaallit nutaarsiassaatat takusarpagut. Nutaarsiassarlu nuanninngitsoq takkuteriarmiat, nunanut allanut unammisartut pillugit, sukkasuumik qisuariarpugut. Tamanna tamatsinnut iluaqutaasinnaasutut nalilerneqarsinnaavoq. Soorunami Kalaallit Nunaanni pisiassaateqalernissarput aallartikkusupparput, imminermilu tulluusimaarutissaalluni arnat nunanut allanut unammisartunut aningaasaliinermi anersaartortilaarsinnaallugit”
Mikkel Bom atorfininneratigut TAAK-milu nunanut allanut unammisartunik pimoorussinerani piginnaasanik ilassuteqarsinnaasumik isumaqartipparput klubbini sungiusaasunik ineriartortitsinermi sakkussanik sukkasuumik pilersitsisinnaasoq, tamanna unammisartunut iluaqutaassaqaaq. Taamaasilluni ujaloq aappaluttoq ingerlaalersinnaanngorluni, nunanullu allanut unammisartunut tunioraaneq annertusinngortussaalluni.
”Assammik arsartartut kaffiatut anguniarneqartuassaaq pissartanngorniuunnissanut peqataajuarnissaq. Iluatsinnissaanut suliassanik ulikkaarpugut, tamannalu qilanaareqaara. Arnat nunanut allanut unammisartut sivisuumik malinnaavigivakka, amerlasuut Danmarkimi 1. aamma 2. divisionimi takoreerpakka, taamatuttaaq nunatsinni pissartanngorniuummata malinnaavigaakka.
Kalaallit Nunaani assammik arsarnermi piumassuseqarneq anguniagaqarusunnerlu pikkugeqaara, suleqatigineqartullu saarngit tikillugit pimoorussinerat.
Nunanut allanut unammisartuunermi suliassamut qilanaaqaanga unammisartullu killiffissamut tullermut kivinnissaannut. Aammalu Anders Kim-illu annertuumik suliarisimasaat nangeqqinnissaat.
Assammik arsarnermi piukkussanik aallussineq nuannareqaara. Taamaatumik qilanaaqaanga inuusuttut nunanut allanut unammisartunngorsinnaasunik suliaqarnissannut. Klubbinilu sungiusaasut sakkussaqartilluarnissaannik tunniussinissara, taamaasillutik arsartutik unammiffiusumi avataanilu eqqortumik ineriartortissinnaanngorlugit.
Piukkussanik ineriartortitsinermi arsartunik ineriartortitsinerinnaanngilaq, assammik arsarneq aqqutigalugu inuttut ineriartortitsinerussaaq.” Mikkel Bom oqarpoq.
Immikkut ilisimasallit piukkussaqarneq nunanullu allanut unammisartuuneq nukittorsassavaat.
Timersoqatigiiffiit Assammik Arsartartut Kattuffiat arpannerup tungaatigut nukittorsarnerullu tungaatigut immikkut ilisimasalinnik ilanngussinissamik sulissuteqarpoq. TAAK neriuppoq aasap ingerlanerani inissilluarumaartoq.
U18 nivissat augustimi Kina-mut nunarsuatsinni pissartanngorniuunnissamut peqataasussat maannakkut misilerarneqarput.
“Arpannermut nukittorsarnermullu immikkut ilisimasalinnik ilanngussinitta saniatigut arsartut qanoq nukittuneratigut arpattarnerillu uuttortarneri nukittorsarneqassallutik. Nunarsuatsinni assammik arsarluni peqataaniaraanni timikkut arpannermilu nukittuujusariarpoq. Taamaattumik arsartut tamarmik nalunaarsoqqissaarnissaat nalinginnaasuusariaqarpoq, nunanut allanut unammisartuuniaruit. Klubbiniit hold-it unammillerluarsinnaasunik aallartitsisariaqartassaagut, nunallu assammik arsarnermi qaffasereerstu unammillersinnaanngorlugit”
“Peqataaniaannarnissamik naammagissanngilarput – ajugaarusuppugut” TAAK-mi siulittaasoq Carsten Olsen naggasiivoq.
Mikkel Bom pillugu:
Sungiusaasutut naammassikkat:
DHF Divisionstræneruddannelse (internationalt hedder det EHF kategori 3)
DHF Talenttræneruddannelse
Pikkorissaanerit
Timersortunik tagiartuisoq
Timersortunik katsorsaasoq
Uani atorfeqarpoq: Arktis Kommando
Meeraaneraniit klubbimi Tistrup-Hodde/CØ-05, Ølgod sungiusaasuunikuuvoq
Team Esbjerg
Skjern Håndbold
Skjern Håndbold-imi piukkussani sungiusaasoq
Inuttut:
34 år
Anne kateqqavaa
Meeqqat: Nora 2 år
Sakkutooq arlalinnut aallartitaasarluni
Tistrup-imi inunngorpoq peroriartorlunilu, angajoqqaavi tamarmik palasi.