Timersoqatigiiffiit Assammik Arsartartut Kattuffiat arfininngormat 16. november 2024 ukiumoortumik ataatsimeersuarnissaat ingerlanneqarpoq. Nalinginnaasumik ataatsimeersuarnerit upernaakkut ingerlanneqartarput, ukioq-mannali naatsorsuutit kukkunersiorneri pillugit kinguaattoorfiuvoq.
Siulersuisuusut arfinillit saniatigut klubbit arfineq-marluk peqataapput.
K-33
GSS
NÛK
Kâgssagssuk
SAK
Norsaq HC
Nagdlúnguaq
Oqaluuserisassat kattuffiup inatsisai malillugit ingerlanneqarput, Aslak Olsvig Drechsel aamma Christian Fangel Vollstedt aqutsisoralugit.
Siulersuisunut qinersinermi siulersuisuuneereersut ingerlaqqinniarlutik nalunaartut tamarmik unammillernertaqaratik ingerlaqqipput, Aputsiaq Olsen Jonathansen piffissakilliorneq peqqutigalugu minillugu. Aputsiaq taarserneqarpoq Kâgssagssummi siulersuisuniit Marie Lennert Egede-mit.
Siulersunngortut: Carsten Olsen, Nûno Motzfeldt- Skovgaard, Karin ”Kaaka” Nielsen Cortzen, Mia Egede Rasmussen, Eqalunnguaq Abel Kristiansen. Marie Lennert Egede.
Sinniisussatut uku qinerneqarput:
Niels Chemnitz Frederiksen, NÛK
Aputsiaq Olsen Jonathanse, SAK
Lena Ravn Davidsen, Nagdlúnguaq.
Ataatsimeersuarneq takussaasumik ingerlavoq, taamatuttaaq peqataasuniit iluaqutaasussanik immersorneqarluni. Oqaluuserisaniit immikkoortut ilamininngui eqqartorneqarluartut ilagaat ineriartortitsinissat attaveqaqatigiinnerillu pitsaanerusut. TAAK-mi siulersuiniit eqqartorneqartut isumaqatigeqai, suleqqinnissamullu qilanaarluni, periuusissanut nutaanut suliaqarnissaanut.
Piffissanngorpoq assammik arsarneq ataatsimoorluta ineriartorteqqissallugu.
Siulersunngortut april/maj 2025 tungaanut ingerlassapput.
Ullut 14-init qaangiutsinnagit siulersuisunngortut inissititereerpata TAAK avammut nalunaaruteqaqqissaaq.