Aningaasaqarnikkut taamatut inissisimaneq ilungersunaqaaq, aningaasaqarniarnerulli naleqqussarnissamut suliaqarnissaq unitsitsinikuuvoq.
Nunanut allanut unammisartuni ”ujalussiaq aappaluttoq” nutaamik ilusilersuinarlugu qulakkerinninniaraluaratta.
KISIANNI TASSA – 2023-imi pisut pissutaallutik aningaasaqarniarneq eqqugaavoq, pisarnermisut annertunerusumik pisoqarfioqaaq.
Aqqiisoqarniarnermilli ataqatigiissaarineq aallartereerpoq, neriuppugullu ungasinngitsumi pissutsit nalinnginnaasumut saakkumaartut.
Sungiusaasut akissarsiaqartinneqartut arfineq-pingasuusuniit pingasunut appartippagut, aningaasaqarniarnikkut akisussaaffik peqqutigalugu.
Piukkussanik katersuutitsinerit amerlanerusunik pilersitserusoqaagut klub-it peqatigalugit, aatsaallu piareerpata aallartittarlugit. Nunarsuatsinni pissartanngorniuunnerni peqataarusuppugut.
Kattuffiup ineriartorneranut takussutissaqarpugut. Eqqaamassavarpullu ineriartortitsineq aammaarluni aningaasatigut eqqugaasarmat.
- Ilaasortaqarniarnikkut amerliartorpugut. (Takussutissaq takuuk)
- ”Assammik arsarneq akimorlugu” piareerfigaarput timersortarfinni mål-it mikisut piareerput
- Nunarsuatsinni pissartanngorniunnernut U18 arnat aamma arnat inersimasut anguagut.
- 2023-imi marloriarluta nunarput katersuuffiutipparput – Nunatut tulluusimarneq.
- Jakob Larsen-imut isumaqatigiissusiorpugut ineriartortitsinissamut.
- Assammik arsarnermik eqqarsartariaaseq anguniagaqarnerlu maannakkut aallartinneqarpoq.
- Inersimasut pissartanngorniuunnerini arnat arfinillit angutillu sisamat peqataapput.
- Angutit naligiinnerupput.
- SAK pissartanngorniuunnerni peqataaqqilerpoq.
- QAA Qaqortumiit aallarteqqippoq.
- BørneCup-ini peqataasut aatsaat taamak amerlatigipput.
- Klub-it 11-it sulilluarput, pingasullu aallarteqqinnissanut attavigalugit.
Nunanut allanut sungiusaasoqarnerup allannguineranik isumaa
Tamanna nukittorsarniarlugu aallartereerparput, allatut ilusilerlugu, piffissaq ungasinnerusumi nunanut allanut unammisartut ineriartornissaat piviusunngortinniarlugu, taamaasilluta nunanut allanut unammisartut qaffasinnerpaani unammillertarnissaat angusinnaanngorlugit.
Oqaatigisariaqarpoq Anders Friis-mut isumaqatigiissuteqapajaaratta angutinut ikaarsaassasoq Johannes Groth-imut ikiortaalluni, Anders nammineq kissaatigisaminik, taamaattumillu arnat nunanut allanut unammisartut sungiusaasussaannik ujaasissalluta. Taamani Jakob Larsen-imik oqaloqatiginninneq aallartippoq, piukkunnarsinnaasumillu allamik oqaloqateqartussaalluta. Paasinarsivorli Jakob Larsen nunanut allanut sungiusaasunngorsinnaanngitsoq Nykøbing Falster-imut isumaqatigiissuteqarami.
Aningaasaqarniarneq aaqqeriarpat tamanna nukittorsarneqassaat nunanut allanut sungiusaasumik atorfinitsitsisoqassaaq.
Maannakkulli allatukanneq eqqarsartariaqarpugut.
Aningaasaqarneq peqqutigalugu pingaarutilinnik isummertariaqartarpugut, taamaakkaluartorli suli anguniagaqarpugut, sinaakkutissallu qulakkerniarlugit nunarsuatsinni pissartanngorniuunnissanut peqataaniarluta suli sulissutigaagut.
Nunanut allanut sungiusaasup arsartut pitsanngortissanngilai, tamannali pissaaq klub-ini aammalu namminerminik. Nunanut allanut sungiusaasup arsartut ataasiakkaat attavigisassavai, qulakkiissallugulu nunanut allanut unammisartut ataqatigiissumik arsaqatigiisillugit.
Assersuut. Danmark-imi nunanut allanut sungiusaasup Nikolaj Jakobsen-ip Mathias Gidsel sungiusartussaanngilaa. Tamanna klub-imini nammineerluni isumagissavaa.
Ilanngussaq takuuk, ilaasortaqarniarnikkut qaffakkiartoqqinnera.
