Vm-imut anngunniunneq Vm-imullu 2023-imi peqataaneq kingumut qiviarlugu, TAAK assammik arsarnartartut kaffuffiani pisoqarfioqisoq aallaavigalugu, siulersuisut tamarmik isumaqatigiillutik alloriarnerit arlallit atorlugit nunatsinni assammik arsarnerup nukittorsarnissaa alloriarpaat.
Tamatumunnga attuumasuteqartut nutaaq, Jakob Larsen, Nykøbing Falster-imi assammik arsartartut sungiusaasoq, siornatigullu nunanut allanut unammisartuusoq pingasoriarluni nunarsuatsinni pissartanngorniuunnerni peqataasoq, nunanilu tamalaani assammik arsarnerni ilisimasoqarluaqisoq tusaamasaasorlu.
Jakob aallaqqaammut ikioq ataaseq siunnersortitut attuumasuteqalissaaq, Handball Strategic Advisor. Isumagitiissutaavoq siulersuisut nunanullu allanut unammisartut sungiusaasut peqatigalugit nunatsinni assammik arsarnerup siuarsarnissaanut qanoq ilusiliisoqartoqassanersoq aallaavigalugu.
Sapinngisamik nunatsinni klubit peqataatinneqassapput. Tamannali Jakob Larsen-ip toqqaannartumik suliassarinngilaa.
TAAK-p pingaartittorujussuuvaa nunatsinni assammik arsarnermi ineriartortitsinissaq, maannakkullu nunanut allanut unammisartuusut sungiusaasui ineriartortinneqarnissaannut pingaartitsilluni suliaqalernissaq.
Maannakkut nunanut allanut unammisartut sungiusaasuutigut piaarnerpaamik sakkussaannik tunisariaqarpagut. Ukuusut, Johannes Groth, Angutimmarik Kreutzmann kiisalu Victoria Budek Svendsen.
Ukioq ataaseq ingerlareerpat TAAK´p saqqummiussinnaanngortussaassavaa nunanut allanut unammisartut, siunissaq ungasinnerusoq eqqarsaatigalugu ineriartortinnissaat, nunatsinni assammik arsartuuneq nuannaarutigineqartoq aallaaviutillugu.
TAAK-mi qilanaareqaarput Jakob assammik arsarnerup ineriartortinnissaanut ikiorniarluta akuersimmat.
Jakob unammisartutut aammalu sungiusaasutut misilittagartuuvoq, taamaallunilu assammik arsarnerup nukittorsarnissaanut sakkussaqarluarluni. Saniatigullu Jakob nalunngilluinnarpaa nunani tamalaani assammik arsartuussagaanni arsartunut suut piumasaqataasarnersut.
Jakob imatut oqaaseqarpoq:
“Meeraallungali inuusuttuullungalu Ilulissani, Qaqortumi Nuummilu assammik arsartaleramali kalaallit nunaani arsartarneq uummateqarfigaara.
Ukiut qulikkaat marluk tulluusimaarutigisannik nunanut allanut unammisartuuninni nunarsuarmi pissartanngorniuunnerni annertooqisuni misigisaqarfigaakka, taamaattumik nunatsinni assammik arsartartunut kinguaariinnut tullinnguuttunut misilittakkakka tunniunnissaat qilanaareqaara.
Taamaammat nuannaarutigeqaara maannakkut klub-ima, Nykøbing Falster Håndbold, nunatsinni assammik arsarnermi ataatsimik marlunnilluuniit alloriarnissaanut ikiuunnissannut periarfissimmannga. Nunat allat unammisartakkagut sukkasuumik ineriartorput, taamaattumik mittarfimmi isiginnaaginnarsinnaanngilagut timmisartup qimaannarluta qangattartoq.
Nunanut allanut sungiusaasut ineriartortinnissaat maannangaaq allartinneqassaaq, taamatuttaaq klubbit pioreersut.
Nykøbing Falster Håndbold-imi sungiusaasuunera pimoorullugu suli ingerlatissavara. Assammik arsarnermik ulloq unnuarlu ullut tamaasa inuuneqarluni kalaallit nunaani assammik arsarnerup silarsuaat ulluinnarsiutigilerlugu isumassarsinarpoq.”
Assammik arsartartut kattuffiani siulersuisut 2023-mi pisoqarfioqisumi qulernanngitsumik artukkerneqarput. Tamatuma kinguneriva sineriatsinni klubbit aningaasatigut tapersersornissaannik piffissaqarfiginngitsooratsigit.
Uffalu siulersuisut tamanna pingaartikkaat.
Maannakkut neriuutigeqaarput matuma suliuniutip aallartinnerani assammik arsarnerup nukittorsarnissaanik eqqissisimanerusumik suliniuteqassasugut, minnerniit angajullersanut.