Ippassaq angutitagut pingujussaanik nunarsuatsinni assammik arsarlutik pissartanngorniuunnissamut anngunniunnerni Cuba-mut unammipput.

Tassani Kalaallit Nunaat aallartilluaqaaq. Minutsit siulliit 15-it angutitagut siuartarlutik naligeeqqittalerlutik unammipput. Mål-iniittoq Isak Olsen piffip taassuma iluani pingasoriarluni Cuba-p isertitassaraluinik annaassivoq. Taamaasillunilu Kalaallit Nunaat mål-inik pingasunik siuaqqaleraluarpoq. Minutsit kingulliit 15-it iluani Cuba-p Kalaallit Nunaat katakkiaartoruusaalerpa, taamaasillutillu unamminerup immikkoortup siulliup naammassinerani Cuba 21-12 siuaqqalluni.

Unamminerup immikkoortup aappaani naligiinnerullutik unammipput, taamaakkaluartoq mål-inik qulingiluanik kinguaqqanertik angunngitsoorlugit. Unammik naammassivoq Cuba 35-26 ajugaalluni.

Cuba-miut anginerullutillu 5-10 kg-mik oqimaannerusut malunniutaasoq nalilerneqarsinnaavoq.

Angusat allat:

USA – Canada, 34-26

Mexico – Puerto Rico, 31-20

Unamminissaq tulleq aqagu tallimanngorneq Puerto Rico-mut, nal. 19.00 (Nunatta nalunaaqutaa)

Kalaallini isertitsisut:

Minik Dahl Høegh, 8

Lars Ole Lyberth, 6

Pele Lynge, 3

Milan Olsen, 2

Akutaaneq Kreutzmann, 2

Archibald Lennert, 1

Miki A. Heilmann, 1

Steen Kleist Møller, 1

Malik Andersen, 1 Knud Clasen Skifte, 1