Kalaallit Nunaat Puerto Rico-mut VM-mut anngunniunnermi unammigamik sungiusaasoq Johannes Groth arsartut pingaaruteqartut sipaarniarlugit aaliangersimasoq unamminermi pissangatitseqaat.
Taamaakkaluartoq kalaallit saperatik ajugaarusussuseqartullu unamminerup takutippaa. Tulluusimaarnaq.
Unamminermi immikkoortoq suillermi naligeeqalutik unammipput, Kalaallit Nunaat mål-imik ataatsimik siuaqqaannaaveriarlutik immikkoortup siulliup naammassiartornerani aatsaat Puerto Rico katakkiartorpaat. Ingammik minutsit kingulliit qulit Kalaallit Nunaat målinik marlunnik pingasunik siuaqqalerput, tassani qasujaassuseq kalaallit takutippaat. Muminnermi Kalaallit Nunaat 15-11 siuaqqavoq.
Unamminerup sinnerani angutitatta siuaqqanertik paarilluaqaaq, naak målit nikingassutaasut marluinnanngoraluariarlutik unammineq naammassiaartornerani kalaallit sukaqqikkamik 29-22 ajugaapput.
Angusat allat:
Cuba – USA, 32-23
Canada – Mexico, 24-25
Unamminissaq tulleq unnugu USA-mut, nal. 21.00 (Nunatta nalunaaqutaa)
Kalaallini isertitsisut:
Minik Dahl Høegh, 5
Pele Lynge, 5
Angutimmarik Kreutzmann, 4
Kuutak K. Olsen, 4
Malik Andersen, 3
Lars Ole Lyberth, 2
Steen Kleist Møller, 2
Miki A. Heilmann, 1
Milan Olsen, 1
Noah John Davidsen, 1 Knud Skifte, 1