Nunarsuatsinni assammik arsarluni pissartanngorniunnissamut anngunniunnermi Kalaallit Nunaat ujaminnanniunnermi bronzinapput.

USA Kalaallit Nunaallu ujaminnanniunnerat assorsuaraasiit pissanganartumik ingerlanneqarpoq. USA aallartilluarpoq, naak aallaqqaammut kinguaqqalaariarlutik minutsit 12 ingerlareersut målinik pingasunik siuaqqalerlutik. Taamaasinerani sungiusaasoq Johannes Groth team timeout-erniarluni aaliangerpoq. Kalaallit iluaqutigisaanik. Tassanngaaniit kalaallit tulleriinnik sisamanik isertitsipput, USA isertitaqanngiivilluni. Taamaalineranilu USA team timeout qinnutigalugu. Iluaqutaavallaanngitsumik.

Qujanartumillu kalaallit assersuinerat ullumikkut iluatsilluaqaaq, minnerunngitsumillu assersuinermi qaangigassaq kingulleq (målmand) aamma unamminerup immikkoortuani siullermi måliniilluaqaat. Siullermik Suersaq Nathanielsen aamma kingusinnerusukkut isertinneqartoq Isak Olsen.

Kalaallit Nunaat 1. halvleg 15-12-mik ajugaapput.

Unamminerup immikkoortuata aappaa suli pissangarnerusumik unammipput. USA aallartilaaginnartut qanilliartuaaruusaarput, minutsit tallimat ingerlareersut målimik ataasiinnarmik kinguaqqalerluni (15-16). Taassuma kingorna Kalaallit Nunaat sukaqqippoq, minutsillu 15 sinnilaarlugit ingerlareersut kalaallit målinik sisamanik siuaqqileqqalluni.

Sukkasuumilli USA isertitsisaqattaalerluni, minutsit 21 ingerlareersut naligeeqqalerlutik (22-22).

USA marloria team timeout atoraluarpaa, taamaakkaluartoq Kalaallit Nunaat sukanneruneranik USA qaangeqqeriartulerlugu.

Unammineq naammassivoq 29-25 Kalaallit Nunaat ajugaalluni.

Unamminermi arsarluarnerpaatut toqqagaavoq Steen Kleist Møller.

Minik Dahl Høegh – Topscorer 38 mål

Milan Olsen aamma Minik Dahl Høegh All Star Team

Angutit, angusassinnik pilluaritsi. Sisamanngorpat nunatsinni takuss.

Angusat allat:

Canada – Puerto Rico, 29-23

Cuba – Mexico,

Kalaallini isertitsisut:

Minik Dahl Høegh, 5

Steen Kleist Møller, 5

Pele Lynge, 3

Angutimmarik Kreutzmann, 3

Akutaaneq Kreutzmann, 3

Malik Andersen, 3

Noah John Davidsen, 2

Milan Olsen, 2

Miki A. Heilmann, 2

Archibald Lennert, 1