Ippassaq unamminermi pingaaruteqartumi Kalaallit Nunaat USA-mut ajorsarpoq, ullumilu bronze-nanniutissallutik.
Unamminermi immikkoortoq siullermi unammisut assorsuaq naligeeqaat. Minutsit 18-it siulliit naligiinngikkunik kalaallit målimik ataatsimik siuaqqasarlutik. Tamatuma kingorna USA målinik marlunnik siuarpoq, kalaallilli sukataaqqinnerani angummateqqilerlutik. 1. halvleg naligiiffiulluni naammassivoq. 15-15.
Unamminerup immikkoortup aappaani suli taamatut imminnut angusaqattaallutik ingerlapput. Kalaallit Nunaat målinik pingasunik siuaraluarpoq, minutsit 12 ingerlareersut, kisiannilu USA unamminermut uteqqilluni minutsit 15 ingerlareersut. Tassani naligiillutit unammeqqilerput. Minutsit 22-it ingerlareersut unammisut 27-27 naligeeqaat, kisiannili Kalaallit Nunaat minutsini tallimani isertitsinngitsoorlutik, USA pingasunik isertitsilluni.
Unammineq naammassivoq USA 32-30 ajugaalluni
Angusat allat:
Canada – Puerto Rico, 26-27
Cuba – Mexico, 34-20
Unamminissaq kingulleq ullumi USA-mut bronzenanniunneq, nal. 20.00 (Nunatta nalunaaqutaa)
Kalaallini isertitsisut:
Minik Dahl Høegh, 8
Pele Lynge, 5
Angutimmarik Kreutzmann, 4
Archibald Lennert, 3
Miki A. Heilmann, 3
Akutaaneq Kreutzmann, 3
Lars Ole Lyberth, 2
Suersaq Nathanielsen, 1
Milan Olsen, 1