Naak sivisuumik angalareerlutik aammalu sivikitsumik qasuersaareerlutik, ukioq manna nunarsuatsinni assammik arsarlutik pissartanngorniunnermi peqataanertik aallartilluaqaat.
Unamminermi immikkoortup siullermi Kalaallit Nunaat aallartilluaqaaq. Unammineq aallartittoq minutsit siulliit tallimat malinnaalluaqaat, taamaallaat 2-3-mik kinguaqqallutik. Taamaasinerani Kina assersuinertik allanngortippaat, kalaallit siuarfiginerullugit sukkasuumillu saassussipallartalerlutik. Minutsit qulit ingerlareersullu Kina 8-2 siuaqqalerluni. Kalaallit minutsit 13-it ingerlareersut time out piumasaqarput, tamanna iluaqutigisaminnik. Kalaallit Nunaat ingerlallualeqqippoq, naak Kina suli sukkanerusumik arsartaraluarluni. Immikkoortoq siulleq 21-7 naammassivoq Kina siuaqqalluni, naak ilaatigut dommerit naliliisarneri eqqumiiginartarsinnaagaluartut.
Unamminerup immikkoortuata aappaat aamma Kalaallit aallartilluarpaat, naak straffit marluk isertinngitsooraluarlugit. Minutsit 10-t ingerlareersut Kina 8-nik isertitsipput Kalaallit Nunaat tallimat. Kina-kkulli sassasissumik assersuisarnerat ajornartorsiutaasoq malunnarpoq, kiisalu sukkasuumik sassussisarnerat aamma qasunassagunarluni. Taamaattumik Kina unamminermi minutsit kingullit 20-t ingerlanerani 16-inik isertitsivoq Kalaallit Nunaat piffimmi tassani tallimanik isertitsilluni.
Kina unamminermi 46-17 ajugaavoq.
Nunarsuatsinni pissartanngorniuunnerni tuliallugit unammissavaat Danmark. Tamanna pissaaq tallimanngorpat nalunaaqutaq ullaakkut 07.00
Kalaallit isertitsisut:
Madeline Bjørnestad: 8
Amàunalik Møller: 4
Hannah Streenholdt Petersen: 3
Paarma Kreutzmann: 1
Bea Mathæussen Jensen: 1