TAAK (Timersoqatigiiffiit Assammik Arsartartut Kattuffiat) ukiumoortumik ataatsimeersuartitsineq iluatsilluartumik ingerlanneqarpoq, peqataasuniillu siunnersuutit pingasut akuerineqarlutik. Siunnersuutit taakku TAAK-p aningaasaqarniarneranut nukittorsaataassapput, sineriammi nunatsinni pissartanngorniuunnerit siuarsarneqassallutik, kiisalu assammik arsartartut ukiukkaamik agguataarneri aaqqissorneqassallutik, nunarsuarmi periuutsinut malinnaatilerlugit.
Siulersuisuni siulittaasussamik qinersoqartussaammat, siulittaasoq sassaqqippot. Aallartitat aamma sassartitaqarput. SMS-ikkut taasisoqarmat ersarissivoq siulittaasumut Carsten Olsen-imut tatiginninneq annertuumik piusoq.
Siulersuisuni ilaasortat nutaat marluk ilanngupput, Bjørk Lange Olsen aamma Peter Barlach Christensen. Mia Eged Rasmussen ingerlaqqippoq. Eqalunnguaq Kristiansen, Nùno Motzfeldt-Skovgaard aamma Marie Lennert siulersuisuni ilaasortaareerput.
Periuusissiaq akuerineqartoq TAAK-p piujuaannartitsinissaanut anguniagaavoq. Aaqqissuussaanerit nukittorsarneqassapput, kiisalu aningaasaqarniarneq patajaatsoq. Sungiusaasut peqatigiiffinnilu aqutsisut ilinnartitaaneri aallarnisarneqassapput, tamanna naqqaniit nunanut allanut unammisartoqarnerit nukittorsarniarlugit. Taakku ilutigalugit nunanut allanut unammillersinnaanerat qaffassarniarlugit.
December 2024-mili periuusissiaq suliarineqarmalli, mannakkumut anguniakkat anguneqareerput. Aningaasaqarniarneq siumut ingerlavoq, tassani naatsorsuuserisut BDO ataatsimeersuarnermi uppernarsarpaat. Aningaasaliisunut qinnuteqarfiusinnaasunullu qanimut attaveqaqatigiinnerit pilersinneqareerput, taamatuttaaq sungiusaasunik ilinniartitsinissat nukittorsarniarlugit Dansk Håndbold tapersersuisoralugu suliaq ingerlanneqarpoq. Danmarkimi inuusuttut katersuuttarneri ingerlanneqarput, kiisalu Island aamma Savalimmiormiut suleqatigiinnissaat aallarnisarlugit oqaloqatigiinnerit pissangartumik ingerlanneqarput.
“Naak VM 2023 unammillernaraluartoq, ataatsimoorluta kattuffiup siumut ingerlaleqqinnera malugalugu isumalluarnaqaaq, ilaasortaqarniarnerit amerliartortillugit. Suleqatigiiulluta nukittuujuvugut timersuuterpullu assigiinngitsunik imaqartarsinnaasoq eqqissisimatitsinissaanut ataatsimoorluta. Ataatsimoorneq, unammersuaarnerit
angusaqarusussuseqarluta anguniakkanut tunuliaqutaapput. Nukittoqaagut pissanganartunillu ornitaqarluta” siulittaasoq Carsten Olsen oqarpoq.
Periuusissiassaq nunatsinni siammasissumik assammik arsarneq ingerlanneqarnissaa tunaartara, saniatigullu nunanut allanut unammisartoqarneq ineriartortissallugu. TAAK-mi aaqqissuussaaneq nukittorsarneqarpoq, kattuffimmut kivitseqataasussanik inuttaliinikkut. Siulersuisuni ilaasortat tamakkeqqalerput. Kattuffiup inissisimanera mumisinniarlugu siulersuisut annertuumik sulineratigut pivoq, kiisalu Boas Møller, Johannes Groth aammalu Jakob Larsen allaffissornikkut atorfeqartillugit. Taamatuttaaq Josefine Gadgaard aamma Gujo Thorsteinsson saniatigut ikiuuttoralugit.
TAAK-p piffiit aggersut pissangartippaai, inuusuttut piginnaanillit amerliartortut aammalu ilaasortaqarniarnikkut amerliartorneri takussaagamik.
Tullinnguuppoq periuusissiap ingerlateqqinnissaa. Aningaasaliisut nuannersumik qisuariaataanni qulakkeerpaat aqqut ajunngitsoq atoripput.
Comments are closed