Kalaallit Nunaani Assammik Arsartartut kattuffiata (TAAK) tusaqqammerpaa arnani nunanut allanut unammisartuutitta ilaat, Josefine Gadgaard, Nuummut pokkorissaajartulersoq. Pineqarporlu najugarisami kajussutsimik suliaqarusussuseqarnissamut kajumissaariartorluni.
Tamanna piviusunngortinneqarpoq DGI Vestjylland, Kalaallit Nunaani Timersoqatigiit Kattuffiat aammalu GUX Nuuk suleqatigiinneratigut. Josefine-p Nuummut tikeraarnerani siunertaavoq inuusuttut peqatigiiffilerinerni kajumissutsimik sulinissaannut kajumissaariartorluni.
Siunniussaq siulleq tassaavoq GUX-imi atuartut eqimattakkuutaarlutik marloriarlutik suliaqartinneri. Tassani siunertaavoq meeqqat Nuummiittut arfininngornermi 28/9 ulloqartinneqarneranni piareersaariarlutik ingerlanneqarnissaanut.
Siunniussaat aappaatut tassaavoq Nuummi, aammali sinerissami, peqatigiiffiit eqamattakkuutaarlutik martloriartutik suliaqartinnissaat. Eqamattakkuutaarluni siullertut siunniunneqassaaq meeqqat inuusuttullu timersulerinerminni kajumissaarnissaannut – qanoq ililluta meeqqat timersoriartittassavagut qanorlu ililluta aallutiinnartissavagut? Aappaatut kajumissutsimik suliaqarneq, qanoq ililluta peqatigiiffittut kajumissutsimik suliaqarnermi annertusarsinnaavagut.
Uani peqataanissamut ilanngussinnaavutit: Workshop: Avatangiisit timersorusulersitsisut (Nuuk) – Læs mere (gif.gl) aamma uani: Workshop: Kajumissutsimik ingerlatsisut amerlanerit? (Nuuk) – Læs mere (gif.gl)
Kalaallit Nunaat sinnerlugu arnani nunanut allanut unammisartuunermini saniatigut suliniutigeqaa meeqqat inuusuttullu timersulerinissaminnut kajumissaartarlugit taamatuttaaq peqatigiiffilerinermi kajumissutsiminnieq suliaqarsinnaasunik kajumissaarinissamik. Taamatuttaaq DGI Vestjylland-imi inuusuttunut siunnersortaalluni.
Kattuffimmiit Josefine suliassaminut iluatsitsilluarumaartoq kissaapparput, takoqqinnissaanullu qilanaarluta.
Suliniut “Siunissami ataatsimoorfiusinnaasuni kajumissutsiminnit suliaqarusussuseqarneq” NunaFonden-miit aammalu Piorsarsimassutsikkut naalakkersuisoqarfimmiit taperneqarpoq. Taamatuttaaq meeqqat ulloqartinnissaannut Inussivik inissaqartitsinissamut ikiuuppoq.