Angutitagut pingasoriarlutik nunarsuatsinni pissartanngorniuunnerut peqataapput, Nunatsinni Assammik Arsartartut Kattuffiat 1998-imi IHF-imut ilaasortanngornerup kingorna.
2001-imi Frankrig-imi nunarsuatsinni assammik arsarlutik pissartanngorniuupput, pissartanngorniuunnerit 17-issaat. Tamanna pivoq piffimmi 23. januar – 4. februar 2001. Kalaallit gruppe-qatigivaat Spanien, Tyskland, Kroatien, Sydkorea og USA. Kalaallit Nunaat nr. 20-nngorpoq peqataasuni 24-iusuni.
Ilaatigut USA-mut unammipput uani takuneqarsinnaavoq
2003-imi Kalaallit Nunaat pissartanngorniuunnerni peqataaqqippoq. Taamani Portugal-imi ingerlanneqarpoq piffimmi 20. januar – 2. februar. Kalaallit Nunaat gruppe-qatigivai Tyskland, Island, Portugal, Qatar aammalu Australien. Kalaallit Nunaat 24-it peqataasuni nr. 24-nngorpoq.
2007-imi nunarsuatsinni pissartanngorniuunnerit 20-issaani aaqqissuunneqartumi Kalaallit Nunaat peqataavoq. Tamatumani Tyskland-imi ingerlanneqarpoq piffimmi 19. januar – 4. februar Wetzlar-imi. Kalaallit Nunaat gruppe-qatigivai Slovenien, Tunesien, Kuwait. Kalaallit Nunaat nr. 22-nngorpoq, Qatar aamma Australien qaangerlugit.