Niviarsissat nunanut allanut unammisartut U18 assammik arsarlutik nunarsuarmi pissartanngorniuunnissamut arsartussanik nunanut allanut sungiusaasoq toqqaavoq. Taakkulu nunarput sinnerlugu unammissapput. Unamminissat Kina-mi pissapput ulluni ukunani 14. – 25. august 2024.
Victoria Budek Svendsen imatut oqaaseqarpoq:
” Kina-mi nunarsuatsinni pissartanngorniuunnissamut peqataasussanik imaannaasimanngilaq. Amerlasuut sakkortuumik sungiusarsimaqaat taamatuttaaq peqataarusussuseqarnitsik takutilluarlugu.
Kina-mi akerassagut sakkortuniarput, taamaattumik qasujaassuseq annertooq nukittunissarlu pigisariaqarparput. Ullut qulit ingerlanerini arfineq-marloriarluta unammissaagut, taamaattumik Kina-miinnissarput sakkortussaqaaq.
Iligiittut aallarnissarput qilanaareqaarput kiisalu inuusuttatta annertuumik misilittagaqalernissaannut periarfissaqalertussaammata, siunissaq eqqarsaatigalugu. Kalaallit Nunarput sinnerlugu sassarnissarput qilanaareqaarput, nukigullu tamakkerlugit akiuukkumaarluta.”
Kalaallit unammisassaat (Gruppe E): Danmark, Kina aammalu Kinesisk Taipei.