Nunarsuatsinni assammik arsarlutik pissartanngorniuunnissaannut anngunniunnermi Kalaallit Nunaat aallartilluaqaaq, Canada-mut ajornartorsiutaassangatitamut ajugaammata. Kalaallit ajugaapput 32-23, unamminermi immikkoortoq siullermi naligiiffiusumi unanmereerlutik (16-14).
Canada aallartilluaqaaq, unamminermilu immikkortoq siullermi aallartinnerani mål-inik marlunnik siuaqqaannaavillutik, unamminermi minutsik 17-it ingerlareersut tikillugu.
Tassani Kalaallit Nunaat timeout qinnutigereeraallu unamminermut pulapput. Immikkoortoq siulleq naammassiliivissoq Kalaallit Nunaat målinik sisamanik siuaqqalerluni (16-12).
Unammineq naligiiffioqisoq aallarteqqimmat, immikkoortup aappa, Kalallit Nunaat sassarpoq arsarluarnissamik upperisaqarluni. Minutsit siulliit 13-t ingerlareersut aatsaat Canada isertitaqaqqippoq. Tamatumap nalaani Kalaallit Nunaat qulingiluariarluni isertitsereersoq, taakkunani ilaavoq mål-iniilluaqisoq Isak Olsen ataaseraarami.
Arsartut tamaavimmik, aamma taartaassamaartut, ataatsimoorussuseqarlutik arsarluarusullutillu unammipput. Peqataaqqaartut aamma takutitsilluaqaat akisussaaffimmillu tigusilluarlutik.
Angusat allat:
Cuba – Puerto Rico, 34-17
USA – Mexico, 28-37
Unamminissaq tulleq ullumi marlunngornermi Mexico-mut, nal. 23.00 (Nunatta nalunaaqutaa)
Kalaallini isertitsisut:
Akutaaneq Kreutzmann, 5
Pele Lynge, 4
Lars Ole Lyberth, 4
Archiball Lennert, 4
Minik Dahl Høegh, 4
Angutimmarik Kreutzmann, 3
Malik Kleist Andersen, 3
Miki A. Heilmann, 2
Kuutak K. Olsen, 1
Isak Olsen, 1
Milan Olsen, 1