U18 arnat Kina-mi Chuzhoui-mi Kalaallit Nunaat Gruppe 2-mi unammeqaarneranni Argentinamut ajorsaqqalaarput 22-219, muminnermi 8-8.
Minutsit qulingiluit aatsaat ingerlareersut Argentina ataaseraarpoq, taamaasinerani Kalaallit Nunaat pingasoraareerluni. Argentina qanilliartuaarpoq, 3-3ermatali unammisut imminnut unammilluaqaat unamminermi immikkoortoq siulleq pissanganartumik ingerlavoq.
Nunanut allanut unammisartut sungiusaasuat Victoria Budek Svendsen imatut naliliivoq:
”Kinesisk Taipai-imut unammigatta tassani unamminermi immikkoortoq siulleq imminnut pakatsinertik akiorniarlugu takutitsilluarusullutik aaliangersimapput. Kinesisk Taipai-mut unamminermi naammassiartuaarneratuut Argentina-mut unamminermi immikkortoq siulleq ingerlappaat assersuineq pitsassuaq ingerlakkamikku.
Uatsinnut tulluarnerusoq Argentina assersueriaaseqartoq unammivarput. Sulili ajornartorsiutigaarput saassussinermi isertitsisarnissaq”
Unamminermi minutsip 29-it ingerlareersut Argentina-p arsartua nr. 5, Lopez, toqqaannartumik allagartamik aappaluttumik nittaaffigineqarpoq, tassani sakkortuumik Pilunnguaq Olsen Petersen assersuiffigigamiuk.
Unamminerup immikkortup aappaa immikkortoq siulleq assigalu aallartinneqarpoq, 11-11 naligiiffiusup nalaa tikillugu, taamaasinerani Argentina sassasissumik assersuilernerani, taamaasillunilu 17-13 Argentina siuaqqalerluni.
Victoria Budek Svendsen nangippoq:
”Unamminerup immikkoortuata aappaani assersiulluarnerput ingerlatiinnarparput, kisiannilu minutsit 15-t ingerlareersut mål-inik sisamanit kinguarluta. Unamminerup sinnerani qanilliallattaraluarpagut, angunngitsoortarlugilli. Sulili tulluussimaarutigeqaakka niviaaluit tunniutiinnaratik akersuuttarmata, taavalu uani unamminermi arsarluarnerpaatut Pilunnguaq Olsen Petersen toqqarnerqarmat, tamannalu pissusissamisoortoq tulluusimaarutigeqaarput. Unamminerniit unamminernut siuariartortut malunnarpoq, sulilu pingasoriarluta unammisussaalluta. Tassani ineriartornerput ingerlatiinnassavarput, minnerpaamillu ataatsimik ajugaanertaqarsinnaasoq neriutigeqaarput.” Victoria Budek Svendsen naggasiivoq.
Mål-iniittoq Jaliina Jakobsen Kinesisk Taipai.mut unamminermi assamigut ajoquserpoq, assaa sisamanik kilulerlugu mersortittariaqarlugu, ajoraluartumillu unamminerni sinneruttuni ilaasinnaajunnaarluni. Kina-mut målmand-imik taartissamik aggersaanissaq ajornarsimammat, titarnerup killinganiittartoq Nadia Lundblad målmand-itut taartissamaatut sassartinneqarpoq. Taanna Futsal-imi målmand-iusareerami Nadia-mut nutaajunngilaq.
Kalaallit Nunaat sinnerlugu isertitsisut:
Pilunnguaq Olsen Petersen – 12 mål
Madeline Bjørnestad – 5 mål
Arnannguaq Berthelsen – 1 mål
Amaunalik Møller – 1 mål
Tulliani unamminissaq: Marlunngorneq 20/8-2024 nal. 03.00 Kalaallit Nunaat – Kazakhstan