Kalaallit Nunaat Gruppe 3-mi naggammik unammigamik gruppe-mi 3-ngorniunneruvoq.
Tassani Kazakhstan unammillugu. Unamminerneq aallartippoq kalaallit pissangallutik, taamaasilluni Kazakhstan 2-0-imik siuapallalluni. Kalaallit Nunaat arsarnertik aaqqipallappaat, 15 minutsillu ingerlareersut 5-3-mik siuarlutik.
Unammineq immikkoortoq siulleq naammassassivoq 12-12.
Unamminerup immikkoortua aallartimmat kalaallit aallartinnerlupput, 15 minutsillu ingerlareersut Kazakhstan 19-16-mik siuarluni, kinguaqqanertillu Kalaallit Nunaata angumerisinnaanagu unamminerlu naammassimmat Kazakhstan 24-20-mik ajugaalluni.
Nunanut allanut unammisartut sungiusaasuat Victoria Budek Svendsen imatut oqaaseqarpoq:
”Unammineq aallartimmat saassussinerni assersuinernilu pissangalluta aallartippugut, taamaakkaluartoq minutsit siulliit 20-t Kazakhstan sivisuumik ikittunik mål-ertippagut, taamaasilluta 10-5-imik siuaqqalerluta. Unamminerulli immikkoortup siulliup naajartuaarnerani saassussigaangatta kukkullattaalerpugut muminnginnermilu Kazakhstan-ip angulluta.
Unamminerup immikkoortuata aappaani piumasatsinnik saassussinerit iluatsikkumanngillat ingerlaannarlu mål-inik sisamanik kinguaqqalerluta. Takuara assersuisarnigut peqqutaanatik ajorsartugut, kisiannili sassussigaangatta kukkuluttortarnerit peqqutaasut.
Maannakkut inissinniuunnissanut unamminerit marluk qilanaaralugit piareersaassaagut” Victoria Budek Svendsen naggasiivoq
Kalaallit Nunaat tulliani unammissavaat gruppe 1-mi nr. 4-nngortut, Chile.
Tamanna pissaaq sisamanngorpat 22. august nal. 04.30
Kalaallit isertitaat:
Pilunnguaq Olsen Petersen – 8 mål
Madeline Bjørnestad – 7 mål
Arnannguaq Berthelsen – 1 mål
Tukummeq Berthelsen – 1 mål
Hannah Petersen – 1 mål
Niviaq Skifte Knudsen – 1 mål
Hannah Nielsen Kleist – 1 mål