TAAK’p tulluusimaarutigeqalugu nalunaarutigisinnaanngorpaa Tyskland-imi timersornikkut atisaliartoq tusaamasaalluartorlu JAKO nutaamik isumaqatigiissusioratta. Uuma isumaqatiissusiornerani kattuffiup ilisarnaataa takussaaneralu kisimik nukittorsarneqassanngillat, unammisartuutitta sungiusaasullu arsaaffiup iluani tusagassiorfinnilu kusanarnerusumik ilasaritittarnissaannut pitsannguutaassalluni. Upperaarput taamatut alloriarnitsinni aningaasaleerusuttunik amerlanerusunik kaammattuutaassasoq nunatsinnilu assammik arsarnermik soqutiginnilertitsissasoq.
Isumaqatigiissut piviusunngorpoq Danmarkimi tuniniaanermut akisussaasoq JAKO Enjoy Sport / Jako Danmark aqqutigalugu.
JAKO’p arnanut angutinullu nunanut allanut unammisartunut atisat tunniuttassavai, taakkulu immikkuullarissinuk ilisarnaateqassapput. Sassuma Arnaa aamma Kâgssagssuk. JAKO siusinnerusukkullu nunanut allanut unammisartuni målmand-ioreersoq Inuk Højgaard suleqatigiillutik kiatitaa ilusilersorpaat. Ilisarnaatit nukittuunissamut piujuaannartitsinissamillu ersersippaat, kalaallit piorsarsimassusaannut kisiinnarmik ersarissaanngillat, unammisartulli aamma atisaminnik tulluusimaarnerujussuarmik.
Tujuuluaqqat nittartakkakkut pisiarisinnaanngulissapput, taamaasillunilu illersuisuttta toqqaannartumik unammisartuutigut tapersorlugit tulluusimaarutissaannillu takutitsillutik. JAKO suleqatigiligarput peqatigalugu Nunatsinni assammik arsarneq qaffassarsinnaagatsigu.
“Tulluusimaarutigeqaarput tyskit timersornikkut meqqiat annertuujusoq isumaqatigiissusioratsigu saniatigullu nunanut allanut unammisartooreersup ilusilersorneratigut. Taakku naleqartitatsinnut tunngaviupput” siulittaasoq Carsten Olsen oqarpoq.
Isumaqatigiissut naleqartitanut tunngaveqarpoq: Ajugaarusuppugut, Ineriartorusuppugut, Assammik arsarneq asavarput, Pimoorussiniarpugut, Nuannaartitsisuuvugut. Naleqartitagut uani suleqatigiinnermi aqqutissiuissapput, taamaasillutillu ataatsimoorluta angusarissaarnissamik arsartut illersortillu pimoorussinerussallutik.
JAKO, tyskland-imi timersornikkut meqqeq, julip aallaqqaataaniit TAAK-mut tapersersuisalertussaq, aammaarluni Danmarkimi håndboldliga-mi Horsens Elite Håndbold tapersersorpaai, taamatuttaaq Tyskland-imi bundesligami arsartut Mainz 05 aamma tapersersorlugu. Taakku annertuunik suleqateqarnerat takutippaat JAKO timersornikkut ineriartornerni pimoorussisut, taamatuttaaq timersornerni assigiinngitsuni pimoorussanik tapersersuiniarnerat. Taamaasilluni JAKO-p timersornermi ussassaarisarneri aammalu nittarsaassiniarnerni TAAK-p iluaqutigisinnaalissallugit.
JAKO / Enjoy Sport imatut oqaaseqarpoq:
2005-imili aallartikkatta ataatsimoorussuseqarluartunik uummateqarfeqartunik klubbinik peqatigiiffinnillu suleqataarusuttunik ujartuivugut. Timersoqatigiiffiit Assammik Arsartartut
Kattuffiat oqaloqatigiinnerani paasivarput tamanna qitiusoq. Taamaattumik ataatsimoorluta aaliangerpugut tuniniaanerni procent aaliangersimasoq Kalaallit Nunaani aningaasaateqarfimmut ikisarniarlugit.
Isumaqatigiissut ukiuni sisamani ingerlassaaq. JAKO-p tujuuluaqqat atisallu TAAK-mut aningaasaliiffigissavai. Ukununnga atugassanngortillugit Assammik Arsata, piukkussanik katersuunnernut taavalu nunanut allanut unammisartunut.
Nunanut allanut unammisartut tujuuluaraanik pisiguit, 15% aningaasaateqarfimmut ikineqassapput TAAK-p meeqqat inuusuttuallu suliniutaanut atugassanngortinniarlugit.
Juli-p aallaqqaataaniit siumoortumik tujuuluaqqanik inniminneereersinnaasoqalissaq, taakkulu august naalernerani tikittussanngortillugit.
Ugguuna takukkit: https://jakodanmark.dk/product-category/groenland/
Comments are closed