Timersoqatigiiffiit Assammik Arsartartut Kattuffiat arfininngormat 16. november 2024 ukiumoortumik ataatsimeersuarnissaat ingerlanneqarpoq. Nalinginnaasumik ataatsimeersuarnerit upernaakkut ingerlanneqartarput, ukioq-mannali naatsorsuutit kukkunersiorneri pillugit kinguaattoorfiuvoq. Siulersuisuusut arfinillit saniatigut klubbit arfineq-marluk peqataapput. K-33 GSS NÛK Kâgssagssuk SAK Norsaq HC Nagdlúnguaq Oqaluuserisassat kattuffiup inatsisai malillugit ingerlanneqarput, Aslak Olsvig Drechsel aamma Christian Fangel Vollstedt aqutsisoralugit. Siulersuisunut qinersinermi siulersuisuuneereersut ingerlaqqinniarlutik nalunaartut tamarmik unammillernertaqaratik ingerlaqqipput,…

Nagdlúnguaq suleqatigalugu tallimanngornermi novemberip 22-ianiit sapaat 24. november ilanngullugu meeqqanut inuusuttunullu assammik arsartitsinissaq ingerlanneqassaaq. Assammik arsartooreeruit, imaluunniit assammik arsartalerusukkuit, apeqqutaatinnagit periarfissatsialaq ilaaffigiuk. Ilaasortaanngitsut ilaasortanngorsinnaapput. #Aalasa tapiineratigut tamanna piviusunngorpoq. Uku pilersaarutit malinnaavigikkit, meeraalluni inuusututtuullunilu nuannissaqaaq.

Kalaallit Nunaani Assammik Arsartartut kattuffiata (TAAK) tusaqqammerpaa arnani nunanut allanut unammisartuutitta ilaat, Josefine Gadgaard, Nuummut pokkorissaajartulersoq. Pineqarporlu najugarisami kajussutsimik suliaqarusussuseqarnissamut kajumissaariartorluni. Tamanna piviusunngortinneqarpoq DGI Vestjylland, Kalaallit Nunaani Timersoqatigiit Kattuffiat aammalu GUX Nuuk suleqatigiinneratigut. Josefine-p Nuummut tikeraarnerani siunertaavoq inuusuttut peqatigiiffilerinerni kajumissutsimik sulinissaannut kajumissaariartorluni. Siunniussaq siulleq tassaavoq GUX-imi atuartut eqimattakkuutaarlutik marloriarlutik suliaqartinneri. Tassani siunertaavoq meeqqat Nuummiittut arfininngornermi…

Assammik arsartartut kattuffiata kujamissutsiminnik suliaqarniartunik pimoorussisoqartarneranik nuannaarutigeqaa, timersorneq tamaat eqqarsaatigalugu pingaartumillu assammik arsarneq eqqarsaatigalugu. Taamaattumik nuannaarutigeqaarput kattuffimmi siulersuisuni ilaasortaq, Mia Ege Rasmussen, Tasiilami sulinngiffeqartilluni meeqqanik inuusuttunillu assammik arsarnermik soqutigisaqarnersut paasiniaaffigilaarmagu. Qujanartumillu paasinarsivoq sunaaffa assammik arsarluni piukkunnaateqartoqartoq. Meeqqat arfineq pingasuniit ukiullit 18-lu ukiullit tikillugit peqataapput. Naak ukiumikkut nikingagaluarlutik imminnut tamarmik inissaqartitsipput. Tasiilap timersortarfiani assammik arsartoqartarnissaannik pimoorussisoqartoq…